Wednesday, 29 June 2011
Amitab 'Budda'
అమితాబ్‌ బుడ్డా కాదని చెప్పేందుకే...
అమితాబ్‌ కెరీర్‌లో వస్తున్న అత్యుత్తమ యాక్షన్‌ చిత్రమిది. నిజానికి వయసుడిగి నా.. అమితాబ్‌ బుడ్డా కాదని చెప్పడమే నా ధ్యేయం’ అంటున్నారు పూరి జగన్నాధ్‌. ఆ చిత్ర విశేషాలను మీడియాతో పంచుకుంటూ.. ‘అమితాబ్‌ ఇప్పటికీ నవ యువకుడే అని సెట్స్‌లో రుజువు చేశారు. ఇమ్రాన్‌ ఖాన్‌ ‘ఢిల్లీబెల్లీ’ కూడా ‘బుడ్డా..’ రిలీజ్‌ రోజే విడుదలవుతోంది. ఇమ్రాన్‌కంటే అమితాబ్‌ చిన్నోడని నిరూపిస్తారు. ముంబై రోడ్లపై 150కి.మీ వేగంతో కారు నడిపే బిగ్‌బి..ఈ సినిమాలో ఏకంగా హార్లీ డేవిడ్‌సన్‌ బైక్‌నే నడిపారు’ అన్నారు. తదుపరి ప్రాజెక్టుల గురించి విశ్లేషిస్తూ... మహేష్‌బాబుతో ‘బిజినెస్‌మేన్‌’ పూర్తయ్యాక..అదే చిత్రాన్ని అభిషేక్‌ హీరోగా బాలీవుడ్‌లో తెరకెక్కిస్తానన్నారు. ‘ఇడియట్‌’ సీక్వెల్‌ తీసే ఆలోచన కూడా ఉందని ఆయన తెలిపారు. అమితాబ్‌తో సినిమా చేస్తానని ఊహించారా? అన్న ప్రశ్నకు సమాధానంగా దర్శకుడినవుతానని కానీ, అమితాబ్‌తో సినిమా తీస్తానని కానీ ఊహించలేదు. ‘బుడ్డా’ సెట్స్‌కెళ్లాక 15 రోజుల తర్వాత వ్యాన్‌లో భోజనం చేస్తూ.. ఏడ్చేశానని పూరి జగన్నాథ్‌ అన్నారు.D.N.R ku S.V.R AWARD
డీయన్నార్‌కు యస్వీయార్‌ పురస్కారం
దర్శకరత్న డా దాసరి నారాయణవును సుప్రసిద్ధ నటులు యస్వీ రంగారావు స్మారక పురస్కారంతో సత్కరించనుంది ఆరాధన అనే ఓ సాంస్కృతిక సంస్థ. జులై 3.. యస్వీ రంగారావు జయంతిని పురస్కరించుకుని హైద్రాబాద్‌లోని రవీంద్రభారతిలో నిర్వహించబడుతున్న ఈ వేడుకలో ముఖ్య అతిథిగా ముఖ్యమంత్రి ఎన్‌.కిరణ్‌కుమార్‌రెడ్డి హాజరుకానున్నారు. డాడి.రామానాయుడు, మోహన్‌బాబు, జయసుధ వంటి చిత్ర ప్రముఖులతోపాటు పలువురు లబ్ధ ప్రతిష్టులు పెద్ద సంఖ్యలో ఈ కార్యక్రమంలో పాలుపంచుకోనున్నారు.ఆర్‌.ఆర్‌. మూవీ మేకర్స్‌ సమర్పణలో ఎల్లో ఫ్లవర్స్‌ ప్రొడక్షన్‌ నెం.2
ఆర్‌.ఆర్‌. మూవీ మేకర్స్‌ సమర్పణలో ఎల్లో ఫ్లవర్స్‌ ప్రొడక్షన్‌ నెం.2
అగ్ర నిర్మాణ సంస్థ ఆర్‌.ఆర్‌.మూవీమేకర్స్‌ సమర్పణలో ఎల్లో ఫ్లవర్స్‌ పతాకంపై రమేష్‌ పుప్పాల నిర్మిస్తున్న చిత్రం నిన్న ఉదయం సంస్థ కార్యాలయంలో ప్రారంభమైంది. కృష్ణవంశీ దర్శకత్వం వహించే ఈ చిత్రంలో నాని హీరో. ఇద్దరు హీరోయిన్లు నటించే ఈ చిత్రం ద్వారా ఓ కొత్త సంగీత దర్శకుడు పరిచయం కానున్నాడు. జులైలో రెగ్యులర్‌ షూటింగ్‌ ప్రారంభించుకునే ఈ చిత్రాన్ని డిసెంబర్‌లో విడుదల చేసేందుకు సన్నాహాలు చేస్తున్నారని సమాచారం. 
Vipi - pp. topi
విపి- పిపిలకు టోపి
జియో మీడియా ఆర్ట్‌‌స రూపొందిస్తున్న చిత్రం ‘వరప్రసాద్‌-పొట్టిప్రసాద్‌’. విపి అండ్‌ పిపి అనేది ఉపశీర్షిక. ‘అష్టాచెమ్మా’ ఫేం శ్రీనివాస్‌ అవసరాల వరప్రసాద్‌గా, ‘అమ్మాయిలు అబ్బాయిలు’ ఫేం విజయ్‌సాయి పొట్టిప్రసాద్‌గా నటిస్తున్నారు. కరీనాషా కథానాయిక. సత్య వారణాశి దర్శకుడిగా..‘అందరూ దొంగలే’, ‘ఇందుమతి’ చిత్రాల నిర్మాత హర్షారెడ్డి ఈ సినిమాని నిర్మిస్తున్నారు. తాజా ప్రోగ్రెస్‌ గురించి దర్శకుడు మాట్లాడుతూ ‘వందశాతం వినోదం నిండిన చిత్రమిది. ఇటీవలే సెన్సార్‌ పూర్తయింది’ అన్నారు. హరీష్‌, జెమిని సురేష్‌, శ్రీలత, అంబటి శ్రీనివాస్‌, వాసు, రాగిణి, భవ్య, లావణ్య తదితరులు ఇతర ముఖ్యపాత్రలు పోషిస్తున్న ఈ చిత్రానికి మాటలు: కుమార్‌ దవులూరి, కళ: నారాయణ రెడ్డి, కథ: జియోమీడియా టీమ్‌, సంగీతం: సాయికార్తిక్‌, pachi mirapakay songs
పచ్చిమిరపకాయ్‌ పాటలు!
నమిత ప్రధానపాత్రలో రూపొందిన అనువాద చిత్రం ‘పచ్చిమిరపకాయ్‌’. ఒన్‌ విజన్‌ మీడియా పతాకంపై జి.సోమేశ్వరరెడ్డి, వి.ఆర్‌.ఆర్‌ సంయుక్తంగా తెలుగులో అందిస్తున్నారు. పొందూరి సాహిత్యం, దిన సంగీతం అందిం చారు. ఇటీవల ఆడియో శివరంజని ద్వారా విడుదలైంది. విజయేందర్‌రెడ్డి ఆడియో తొలిప్రతిని విడుదల చేశారు. నిర్మాతలు మాట్లాడుతూ ‘పూర్తిస్థాయి వినోదాత్మక చిత్రమిది. సినిమాలో యువతను ఉర్రూతలూగించే గ్లామర్‌కు కొదవలేదు. అత్త-అల్లుడు మధ్య సాగే రసరమ్య పోరు మధ్యలో ఎంటరయ్యే పాత్రలో నమిత నటించారు. అత్తగా నదియా, హీరోగా సుందర్‌.సి నటించారు. వివేక్‌ కామెడీ వెరీ స్పెషల్‌. 5 పాటలు, 4ఫైట్స్‌ హైలైట్‌’ అన్నారు.Sidharth- 180
నువ్‌ పోతానంటే మేమొద్దంటామా!
తమిళ ఆడియన్స్‌ మన తెలుగు హీరోల పట్ల వివక్ష చూపినట్లుగా ‘తమిళ తంబి’ సిద్దార్ధపైై తెలుగు ప్రేక్షకులెప్పుడూ పక్షపాతం చూపలేదు. కళకు భాషాబేధాలుండరాదని త్రికరణశుద్ధిగా నమ్మేవాళ్లలో తెలుగువారిది ప్రధమ స్థానం. అందుకే ‘నువ్వొస్తానంటే మేమొద్దంటామా’ అంటూ సిద్దార్దకు తెలుగు చిత్రసీమలో ఏకంగా చిన్న ‘బొమ్మరిల్లు’ కట్టిపెట్టారు. అయితే అది తెలుగువారి మంచితనం అనుకోకుండా.. తన గొప్పతనంగా భావిస్తూ.. సిద్దార్ద చేస్తున్న ఎగస్ట్రాలను సైతం మీడియా ఇన్నాళ్లూ లైట్‌గా తీసుకుంది. ‘తెలుగువాడు కాదు కాబట్టి..’ అంటారనే ఉద్దేశ్యంతో సంయమనం పాటించింది.అయితే, మీడియాపై సిద్దార్థ చేస్తున్న వ్యాఖ్యానాలు రోజురోజుకూ శృతిమించుతుండడంతో, తప్పనిసరి పరిస్థితుల్లో ఇకపై సీరియస్‌గా తీసుకోవాలని నిర్ణయించింది. ఎలక్ట్రానిక్‌ ఛానల్స్‌పై సిద్దార్థ్ద చేసిన వ్యాఖ్యానాలను తీవ్రంగా పరిగణిస్తూ.. అతడిపై మూవీ ఆర్టిస్ట్‌ అసోసియేషన్‌కు, నిర్మాతల మండలికి.. ‘న్యూస్‌ కేస్టర్స్‌ అసోసియేషన్‌’ ఫిర్యాదు చేసింది. అంతేకాదు. నిన్న ఏర్పాటు చేసిన ‘180’ చిత్రం ప్రచార కార్యక్రమంలో పాల్గొన్న సిద్దార్థను ఎలక్ట్రానిక్‌ మీడియా బహిష్కరించింది. ‘ఒక గంట ప్రోగ్రాం చేసుకోవడం కోసం ఛానల్స్‌వారు తమ పెళ్లాంబిడ్డల్ని సైతం అమ్మకానికి పెట్టేస్తారు’ అంటూ తన ట్విట్టర్‌లో సిద్దార్థ్ద ఇటీవల పోస్ట్‌ చేసాడు. ఇంతకుముందు కూడా ఇటువంటి అనుచిత వ్యాఖ్యానాలు సిదార్థ చేసి ఉన్నాడు!
About' Brahmigadu'
బ్రమ్మిగాడు తెగ నచ్చుతాడు!
వరుణ్‌సందేశ్‌- ‘ఫెమినా మిస్‌ ఇండియా’ అస్మితాసూద్‌ జంటగా నటించిన చిత్రం ‘బ్రమ్మిగాడి కథ’. ఈశ్వర్‌రెడ్డి దర్శకుడు. పి.రామ్మోహన్‌ సమర్పకుడు. మల్టిడైమన్షన్‌ ఎంటర్‌టైన్‌మెంట్స్‌ పతాకంపై రజత్‌పార్థసారథి నిర్మిస్తున్నారు. శుక్రవారం (జూలై 1) ఈ సినిమా విడుదల సందర్భంగా వరుణ్‌సందేశ్‌ మాట్లాడుతూ ‘వైవిధ్యమైన స్క్రీన్‌ప్లేతో రూపొందిన ప్రేమకథా చిత్రమిది. కథ 36గంటల్లో జరుగుతుంది. ఎ లైవ్‌ స్టోరీ.. అనేది ఉపశీర్షిక. పూర్తిస్థాయి కమర్షియల్‌ విలువలు సహా 4 పాటలు అలరిస్తాయి.సమస్యల్లో ఉన్నవారికి సహకరించేవాడిగా..పరిపక్వత ఉన్న పాత్రలో నేను నటించాను. జూలై 1న మీ ముందుకొస్తున్నాం’ అన్నారు. అస్మితాసూద్‌ మాట్లాడుతూ ‘ఓ అమాయకమైన అమ్మాయిగా సినిమాలో నటించాను. నా పాత్రచుట్టూనే కథ నడుస్తుంది. హాస్యం, యాక్షన్‌, రొమాన్స్‌, డ్రామా..అన్నీ ఉన్న సినిమా ఇది. హైదరాబాద్‌ నగరంలోని ప్రఖ్యాత ప్రదేశాలన్నిటా సినిమాని తెరకెక్కించారు’ అన్నారు. వైవిధ్యానికి పెద్ద పీట వేస్తూ రూపొందిన ‘బ్రమ్మిగాడి కథ’ అన్ని వర్గాలవారినీ అమితంగా అలరిస్తుందనే ఆశాభావాన్ని దర్శకుడు ఈశ్వర్‌రెడ్డి వ్యక్తం చేసారు!
Monday, 27 June 2011
Vandar veerudu valalo deva kanya
వండర్‌ వీరుడి వలలో వనకన్య
శ్రీ రాఘవేంద్ర ఫిలింస్‌ రూపొందిస్తున్న సోషియో ఫాంటసీ చిత్రం ‘వనకన్య -వండర్‌ వీరుడు’. ఆర్తి అగర్వాల్‌ వనకన్య. మెగా సుప్రీం వండర్‌వీరుడు. జాలాది శివశంకర్‌ చౌదరి నిర్మాత. శివనాగు దర్శకత్వం వహిస్తున్నారు. ఓ పాట మినహా సినిమా పూర్తయిన సందర్భంగా దర్శకుడు మాట్లాడుతూ ‘నాలుగు పాటలు సహా టాకీ పూర్తయింది. సందేశం మేళవించిన యాక్షన్‌ చిత్రమిది. ఆర్తి, సుప్రీంల నటన సహా హాస్యం అలరిస్తుంది. మారేడ్‌పల్లి అడవులు, భీమిలి, అరకు, నాగార్జునసాగర్‌ ..తదితర లొకేషన్లలో చిత్రీకరించాం. చెట్లు..స్ర్తీలుగా మారడం సినిమాలో ప్రత్యేకత. జూలై తొలివారంలో ఆడియో విడుదల చేస్తాం’ అన్నారు.Alajadi srustinchina 'Anushka'
అలజడి సృస్ఠించిన అనుష్క!
ముంబయి విమానాశ్రయంలో ప్రముఖ నటి అనుష్కను కస్టమ్స్‌ అధికారులు అదుపులోకి తీసుకున్నారన్న వార్త నిన్న తెలుగు చిత్రసీమలో కొంత కలకలం సృష్టించింది. ఆమధ్య ఆదాయశాఖ దాడులకు గురయిన అనుష్క మళ్లీ ఇంత తొందరగా అడ్డంగా ఎలా దొరికిపోయిందని అందరూ బాధపడడం మొదలుపెట్టారు. కొందరయితే.. అనుష్కపై ఎవరయినా ఓ ప్రముఖుడు కక్ష కట్టి ఉంటాడని.. ఈ పరిణామాలన్నీ అందుకు ఉదాహరణలనే కన్‌క్లూజన్‌కు వచ్చేసారు. తీరా చూస్తే.. ముంబయిలో కస్టమ్స్‌ అధికారుల అదుపులో ఉన్న అనుష్క మన అనుష్క కాదని.. బాలీవుడ్‌అనుష్కని తేలింది. దాంతో అందరూ ఊపిరి పీల్చుకున్నారు. ‘రబ్‌ నే బనాది జోడి’, ‘బ్యాండ్‌ బాజా బారాత్‌’ వంటి సినిమాల ద్వారా బాలీవుడ్‌లో తనకంటూ ఓ ప్రత్యేక గుర్తింపు తెచ్చుకున్న అనుష్క పూర్తి పేరు అనుష్కశర్మ. మన ‘అరుంధతి’ అనుష్క పూర్తి పేరు అనుష్కశెట్టి. దాంతో అప్పుడప్పుడు ఇలాంటి గందరగోళం నెలకుంటోంది!Dday kiran's new film 'Dil kabaddi'
మనసుల మధ్య కబడ్డీ
ఉదయ్‌కిరణ్‌-జాస్మిన్‌ జంటగా నెక్కంటి ఆంజనేయస్వామి ప్రొడక్షన్స్‌ పతాకంపై రూపొందుతున్న సినిమా ‘దిల్‌ కబడ్డీ’. శ్రీ దర్శకుడు. వి.శివకుమార్‌ నిర్మాత. ‘స్నేహగీతం’ ఫేం సునీల్‌ కశ్యప్‌ సంగీతదర్శకుడు. హైదరాబాద్‌ అన్నపూర్ణ స్టూడియోలో సినిమా ప్రారంభమైంది. ప్రారంభోత్సవంలో రాష్ట్ర హోంశాఖ మంత్రి సబితా ఇంద్రారెడ్డి, ఉదయ్‌కిరణ్‌, జాస్మిన్‌, శ్రీ, శివకుమార్‌, సునీల్‌ కశ్యప్‌, కేశవ్‌ తదితరులు పాల్గొన్నారు. నాయకానాయికలపై చిత్రీకరించిన తొలిసన్నివేశానికి నందమూరి మోహన్‌కృష్ణ క్లాప్‌నివ్వగా సబితా ఇంద్రారెడ్డి కెమెరా స్విచ్ఛాన్‌ చేశారు.మురళీమోహన్‌ గౌరవదర్శకత్వం వహించారు. ఉదయ్‌కిరణ్‌ మాట్లాడుతూ ‘ప్రేమ పయనంలో ..మనసులు ఆడే దోబూచులాటే.. ఈ సినిమా. స్ఫూర్తివంతమైన ఈ కథకు సంగీతం ప్రధానాంశంగా ఉంటుంది. టైటిల్‌కి ఇప్పటికే మంచి స్పందన వచ్చింది. మా చిత్రదర్శకుడు సీనియర్‌ దర్శకుడు వి.సముద్రకి శిష్యుడైతే, మా కెమెరామెన్‌ ...శ్యామ్‌ కె.నాయుడుకి శిష్యుడు. జూలై తొలివారంలో సెట్స్‌కెళ్లి..భారీ షెడ్యూల్‌లో టాకీ పూర్తి చేస్తాం. తర్వాత 2 పాటలు విదేశాల్లో చిత్రీకరిస్తారు. నా సినిమాల్లోనే ట్రెండీ సినిమా ఇది’ అన్నారు. 6పాటల్లో రెండిటిని ఇప్పటికే పూర్తిచేశానని సంగీతదర్శకుడు అన్నారు. ఈ చిత్రానికి కెమెరా: ఎస్‌.రాజశేఖర్‌, పాటలు: భాస్కరభట్ల, ఎడిటింగ్‌: నందమూరి హరి, కళ: రామ్‌, మాటలు: కేశవ్‌.పి, కథ-కథనం- దర్శకత్వం: శ్రీ.
Kajal vs Sruthi hassan
చెల్లుకు చెల్లు!
అదేవిధంగా ‘మిరపకాయ్‌’ ఫేమ్‌ హరీష్‌ శంకర్‌ దర్శకత్వంలో నటుడు గణేష్‌బాబు నిర్మిస్తున్న ‘గబ్బర్‌సింగ్‌’ చిత్రంలో హీరోయిన్‌గా తొలుత కాజల్‌ అగర్వాల్‌ను అనుకుంటున్నారనే వార్తలొచ్చాయి. అయితే, తాజా వార్తల ప్రకారం ఈ చిత్రంలో కాజల్‌ అగర్వాల్‌ స్థానంలో శృతిహాసన్‌ను ఎంపిక చేసారని తెలుస్తోంది. ఈ పరిణామాలను బట్టి.. ‘ది బిజినెస్‌మ్యాన్‌’ అనే చిత్రంలో తనను హీరోయిన్‌గా తప్పించి.. ఆ చిత్రాన్ని చేజిక్కించుకున్న కాజల్‌పై ప్రతీకారం తీర్చుకునేందుకుగాను ‘గబ్బర్‌సింగ్‌’ చిత్రంలో కాజల్‌ అగర్వాల్‌ను తీయించేసి ఆ అవకాశాన్ని తను తీసుకున్నట్లవ్వడం సహజంగానే చర్చనీయాంశమవుతోంది!
Subscribe to:
Posts (Atom)