తనువులేమో దగ్గరగా... మనసులు మాత్రం దూరంగా
సుమంత్‌ కథానాయకుడిగా రవికుమార్‌ చావలి దర్శకత్వంలో సుధా సినిమా పతాకంపై జె.సాంబశివరావు నిర్మిస్తున్న చిత్రానికి ‘దగ్గరగా... దూరంగా...’ అనే టైటిల్‌ నిర్ణయించారు. వేదిక ఈ చిత్రం లో కథానాయిక. సింధుతు లానీ కీలకపాత్రధారి. సుమంత్‌ మాట్లాడుతూ ‘గోల్కొండ హైస్కూ ల్‌..కన్నా ముందే ఈ కథను ఓకే చేశాను. మంచి రొమాంటిక్‌ థ్రిల్లర్‌ ఇది. సున్నితమైన కథాంశంతో అలరిస్తుంది. మా నిర్మాత బంగారం. తప్పక విజయం సాధిస్తాం’ అన్నారు. మంచి కాంబి నేషన్‌లో సినిమా చేయడం ఆనందాన్నిస్తోందని కథానాయిక వేదిక అన్నారు. దర్శకుడు మాట్లాడుతూ ‘సందర్భానుసారం హాస్యం పండే చిత్రమిది. నేపథ్య సంగీతం సహా కెమెరా పనితనం హైైలైట్‌. ఆహ్లదం.. అనిపించే ఓ ఫోక్‌సాంగ్‌ ఈ సినిమాలో ప్రత్యేకం! అలాగే హీరో సుమంత్‌ నటన చాలా సహజంగా ఉంటుంది. వేదిక గ్లామర్‌ సహా నటనకు ఆస్కారమున్న పాత్రలో నటించారు. పతాకసన్ని వేశం సినిమాకే హైలైట్‌’ అన్నారు. ఈ హీరో, దర్శకుడు..మా బేనర్‌లో పనిచేయడం ఆనందా న్నిస్తోందని నిర్మాత అన్నారు. ఈ చిత్రంలో మంచి సంగీతాన్నందించే అవకాశం తనకు లభించిందని, సంగీతదర్శకుడిగా ఈ సినిమాతో హ్యాట్రిక్‌ కొడతానని రఘుకుంచె అన్నారు. ఈ చిత్రానికి కెమెరా: సురేందర్‌ రెడ్డి.
No comments:
Post a Comment