ముగ్గురూ ముగ్గురే !
డాడి.రామానాయుడు నిర్మిస్తున్న తాజా చిత్రానికి ‘ముగ్గురు’ అనే టైటిల్‌ను ఖరారు చేసారు. ‘మహా మాయగాళ్లు’ అనేది ఉపశీర్షిక. వి.ఎన్‌.ఆదిత్య దర్శకత్వం వహిస్తున్న ఈ చిత్రంలో నవదీప్‌, రాహుల్‌ (హ్యాపీడేస్‌ ఫేమ్‌), ‘అష్టాచెమ్మా’ ఫేమ్‌ అవసరాల శ్రీనివాస్‌ టైటిల్‌ పాత్రలు పోషిస్తున్న ఈ చిత్రంలో రీమాసేన్‌, సంజన, శ్రద్దాదాస్‌ హీరోయిన్లుగా నటిస్తున్నారు. సినిమా ప్రోగ్రెస్‌ గురించి తెలియజేసేందుకు ఏర్పాటు చేసిన పాత్రికేయుల సమావేశంలో డాడి.రామానాయుడు మాట్లాడుతూ.. ‘మలేషియాలో చేసిన 20 రోజుల షెడ్యూల్‌లో 3 పాటలు సహా కొన్ని కీలక సన్నివేశాలు చిత్రీకరించాం.మా సొంత ఊరు కారంచేడులో నాలుగు రోజులపాటు షూటింగ్‌ చేసాం. ఈనెల 29 నుంచి జులై 10 వరకు విశాఖలో జరిగే షెడ్యూల్‌తో సినిమా దాదాపుగా పూర్తవుతుంది. వినోదానికి పెద్ద పీట వేస్తూ రూపొందిస్తున్న ఈ చిత్రం అందర్నీ అలరిస్తుందని ఆశిస్తున్నాం’ అన్నారు. మీడియా సమావేశంలో పాల్గొన్న వి.ఎన్‌.ఆదిత్య, నవదీప్‌, రాహుల్‌, అవసరాల శ్రీనివాస్‌, శ్రద్దాదాస్‌ తదితరులు కూడా చిత్రం తప్పక విజయం సాధిస్తుందనే ఆశాభావాన్ని వ్యక్తం చేసారు. సత్యానంద్‌-నివాస్‌ సంయుక్తంగా సంభాషణలందిస్తున్న ఈ చిత్రానికి సంగీతం: కోటి, సాహిత్యం: చంద్రబోస్‌, ఛాయాగ్రహణం: జవహర్‌రెడ్డి.
No comments:
Post a Comment